काठमाडौँ– निर्वाचन आयोगका प्रमुख आयुक्त दिनेशकुमार थपलियाले वैशाख ३० गते चुनाव हुन नसके मुलुक दुर्घटना फस्न सक्ने प्रतिक्रिया दिएका छन् ।
जनकपुरधाममा शनिबार भएको मिडिया अभिमुखीकरण कार्यक्रममा प्रमुख आयुक्त थपलियाले निर्वाचनलाई कुनै तरिकाले सारिए दुर्घटना निम्तिन सक्ने बताएका हुन् ।
उनले स्थानीय तहको निर्वाचन तोकिएको समयमा हुन नसके यो लोकतन्त्रकै लागि अप्रिय हुन सक्ने पनि बताए ।
प्रमुख आयुक्त थपलियाले चुनावको मिति तय भइसकेकाले कुनै किसिमको संशय हुने गरी तर्क वितर्क नगर्न पनि सबैसँग अपिल गरे ।
उनले आसन्न निर्वाचनमा सक्रिय सहभागिता जनाउन पनि सबैसँग आग्रह गरेका थिए ।
प्रतिक्रिया