साउथ इन्डियन अभिनेता प्रभास बाहुबली सिरिज मार्फत चर्चामा आए । दुई भागमा आएको बाहुबलीले प्रभासलाई साउथ इन्डियामा मात्र सीमित राखेन। त्यसपछि उनी भारतसँगै एसियाकै ठुला स्टार मध्ये एक बने ।

उनको क्रेज बढ्नुको कारण उनकै फिल्म र अभिनय थियो । प्रभास अभिनीत फिल्म ’राधेश्याम’ प्रदर्शनरत छ । मार्चमै प्रदर्शन हुने फिल्मको प्रमोसनकै क्रममा उनले विवाहको बारेमा कुराकानी गरेका छन् । प्रभासले बाहुबली रिलिज भएपछि विवाह गर्छु भनेर आफ्नी आमासँग ’वाचा’ गरेका थिए । यद्यपि त्यसपछि उनको ’साहो’ समेत प्रदर्शनमा आइसकेको छ । तर , उनले आफ्नो वाचा पुरा गरेका छैनन् ।

यसैबारेमा कुराकानी गर्दै उनले विवाह सही समयमा हुने बताए । ’मैले आमालाई भनेको थिए । यद्यपि विवाह सही समय नआई हुँदैन’ प्रभासले भने । उनले हरेक घरमा हुर्केको छोरालाई आमाले विवाहका लागि भन्ने नर्मल रहेको बताए । ’हामी कहाँ हाम्रो बढी चिन्ता अभिभावकले गर्छन् । मेरो आमा पनि अन्य आमा झैँ मेरो घरपरिवार हेर्न चाहन्छिन्’ उनले भने । प्रभासले आफ्नो आमालाई अब छिटै विवाह हुन्छ भन्दै चिन्ता नलिन आग्रह गर्ने गरेका छन् । यद्यपि उनी भन्छन् ,’सही समय आउनदिनुस् ।’

केही समय अगाडी प्रभासको अनुष्का शेट्टीसँग प्रेम सम्बन्ध रहेको चर्चा नचलेको होइन । यद्यपि यी टुइले आफ्नो सम्बन्धलाई प्रेमको रूपमा  स्वीकारेका छैनन् । प्रभास अभिनीत फिल्म ‘राधेश्याम’ मा उनको को–स्टार छिन् पुजा हेगड़े । लभ स्टोरी यस फिल्ममा भाग्य र मायाको लडाईलाई प्रस्तुत गरिएको छ । फिल्मलाई ४ सय करोडको हाराहारीमा निर्माण गरिएको हो । राधाकृष्ण कुमारको निर्देशनमा तयार फिल्मको मिश्रित प्रतिक्रिया आइरहेको छ  ।