एजेन्सी – रुस र युक्रेन युद्ध चर्किदै जाँदा किएभमा ३५ घण्टाका लागि कर्फ्युको घोषणा भएको छ । रुसले युक्रेनमाथि आक्रमण थालेको २० औँ दिन पुग्दा युक्रेनको राजधानी किएभमा कर्फ्यु लागेको हो ।
किएभका मेयर भिटाली क्लित्स्कोले बुधबार रातिबाट बिहीबार बिहानसम्म ३५ घण्टाका लागि कर्फ्यु घोषणा गरेका हुन् ।
उनले अहिले किएभले खतरनाक र कठिन क्षणको सामना गरिरहेको पनि बताएका छन्। बीबीसीका अनुसार मङ्गलवार बिहान आवासीय भवनहरूमा रुसी हवाई हमला हुँदा चारजनाको ज्यान गएको थियो ।
राजधानीबासीलाई कर्फ्युका बेला घरमै वा बमबारीबाट जोगिनका लागि बनाइएका आश्रयस्थलमा बस्न भनिएको छ ।
प्रतिक्रिया