काठमाडौँ – दक्षिण एसियाली फुटबल महासंघ (साफ) ले भारतमा आयोजना हुने यु-१८ महिला च्याम्पियनसिपको खेल तालिका सार्वजनिक गरेको छ । तालिकाअनुसार प्रतियोगिता एक चैत ११ गतेसम्म चल्नेछ ।

भारतको जमशेदपुरमा हुने प्रतियोगितमा नेपाल, भारत र बंगलादेश गरी तीन टोलीको सहभागिता रहने छ ।

डबल राउण्ड रोबिनको आधारमा हुने च्याम्पियनसिपमा नेपालले आयोजक भारतविरुद्ध प्रतिस्पर्धा गर्दै प्रतियोगिताको सुरुवात गर्नेछ । नेपाल र भारतबीचको खेल १ चैत्रमा हुनेछ ।

३ चैत्रमा हुने दोस्रो खेलमा नेपालले बंगलादेशको सामना गर्नेछ । ७ गते दोस्रो पटक भारतविरुद्ध प्रतिस्पर्धा गर्नेछ । प्रतियोगिताको अन्तिम खेमलमा नेपालले ९ गते बंगलादेशसँग खेल्ने तालिका छ । प्रतियोगिताको शीर्ष स्थानमा रहने टोलीले उपाधि जित्ने साफले जनाएको छ ।