अर्घाखाँची- जिल्ला प्रहरी कार्यालय अर्घाखाँचीका प्रहरी प्रमुख मुकुन्दप्रसाद रिजालले जिल्लामा देखिएको चन्दा आतङ्क रोक्ने प्रतिबद्धता जनाएका छन् ।
कानुन विपरीतका कुनै पनि गतिविधि प्रहरीलाई मान्य नहुने बताउँदै उनले अवैध गतिविधि रोक्न प्रहरी खरो रूपमा प्रस्तुत हुने बताए । ‘पछिल्लो समयमा अर्घाखाँचीमा चन्दा आतङ्क बढेको गुनासो छ ।’ रिजालले भने ‘डर धम्की दिई आतङ्कित गरेर गरिने कानुन विपरीत गतिविधि नियन्त्रण गर्न प्रहरी खरो रूपमा उत्रन्छ ।’
नागरिकको सुरक्षा आफ्नो पहिलो प्राथमिकता रहेको बताउँदै रिजालले सबै जिल्लावासीको सहयोगमा मात्र प्रहरी सफल हुने उल्लेख गरे ।
प्रतिक्रिया