काठमाडौँ– नेकपा एकीकृत समाजवादीले स्थानीय तहको समीक्षा प्रतिवेदन परिमार्जन सहित पारित गरेको छ ।

पार्टी कार्यालय तीनकुनेमा बुधबार बसेको समाजवादीको स्थायी कमिटी बैठकले व्यापक परिमार्जन सहित समीक्षा प्रतिवेदन पारित गर्ने निर्णय गरेको प्रचार विभाग प्रमुख जगन्नाथ खतिवडाले जानकारी दिए । उक्त प्रतिवेदनलाई केन्द्रीय कमिटी बैठकले अन्तिम रूप दिने उनले बताए । बैठकले असार १० गते पोलिट्ब्युरो र ११ गते केन्द्रीय कमिटी बैठक आह्वान गरेको छ भने असार १३ र १४ गते केन्द्रीय परिषद्को बैठक बोलाउने निर्णय गरेको खतिवडाले जानकारी दिए । बैठकले बजेटका काम सकिएलगतै नयाँ मन्त्रीहरूलाई सरकारमा पठाउने निर्णय गरेको उनले बताए। त्यस्तै बैठकले पार्टीको अनुशासनविरुद्ध काम गर्ने १२ जनालाई कारवाही गरेको पनि उनले जानकारी दिए । उनले पार्टी अव आम निर्वाचनको तयारीमा लाग्ने बताए ।

राष्ट्रिय हितको प्रतिकुल हुने कुनै पनि सम्झौता नगर्न सरकारलाई सजग गराउने बैठकले निर्णय गरेको छ ।