काठमाडौँ– गीतसंगीतमा अनिल सिंहको आफ्नै छुट्टै पहिचान छ । विशेष गरि पप गायनमा उनको नाम अगाडि नै आउने गर्छ । झन्डै डेढ दशक अगाडि मात्र फर्किने हो भने उनले गाएका गीतसंगीतमा नझुम्ने कमै थिए, जसमा अहिले पनि कमी पाइएको छैन । उनले गीत गाउदै गर्दा आफूलाई स्थिर बनाउन सक्ने संगीत प्रेमी दर्शकनै छैनन् भन्दा पनि फरक पर्दैन। किनकी उनको गायन शैली र गीत नै त्यस्तै छ । 

आफै गाउने र कम्पोज गर्ने भएकाले पनि अनिलको छुटै फ्यान फ्लोअर्स छन् । यिनै अनिल केहि समयको तयारी पश्चात गीतसंगीतमा फर्किँदैछन् । केही समय संगीतबाट विश्राम झैँ लिएर कन्सर्टमा केन्द्रित भएका अनिलले छिटै सार्वजनिक गर्ने गरि गीतको काम गरिरहेका छन् । ‘रेलिमाई’ बोलको गीतमा अनिलको स्वर मात्र छैन, उनी फिचर्ड पनि छन् ।

आफ्नो गीतहरूमा प्राय आफैँ देखिने अनिलले गीत आउँदो सातासम्म सार्वजनिक हुने बताए । ‘गीतसंगीतसँगै अन्य कामहरू पनि छन् । सबै योजना अनुसार नै अगाडि आउने छन् । यसै नभए आउँदो साता रेलिमाई बोलको गीत सार्वजनिक हुनेछ’ अनिलले भने । उनले गीतसंगीतको बदलिदो ट्रेन्डलाई अध्ययन गर्न जरुरी रहेको समेत बताए ।

‘हामीले एउटा समयमा गरेको कामसँगै अहिले अपडेट भएर , ट्रेन्ड बुझेर आउनु पर्छु अनिलले भने । उनले आफू गीतसंगीतसँगै अन्य विविध कामहरूमा रहेको बताए । उनको आइ लभ यु, प्रेम पत्र, डुब्न देउ, इन्जिन गाडीमा, प्रेमिका, मैले जानी सके लगायतका दर्जन बढी गीत सुपरहिट छन् ।