काठमाडौं- एएफसी एसियन कप छनोटको तेस्रो चरणको आफ्नो अन्तिम खेलमा नेपालले फराकिलो हार खाएको छ।
कुवेतमा गयराति भएको खेलमा १० खेलाडीमा समेटिएको नेपाल इन्डोनेसियासँग ७-० गोल अन्तरले पराजित भएको हो।
जाबिर अल अहमद स्टेडियममा इन्डोनेसियाविरुद्ध पहिलो हाफमा दुई गोल खाएको नेपालले दोस्रो हाफमा थप पाँच गोल खाएको हो।
यो हारसँगै समूह ए मा रहेको नेपाल अंक बिहीन हुँदै प्रतियोगिता समापन भएको छ। पहिलो खेलमा नेपाल जोर्डनसँग २-० गोलले पराजित भएको थियो भने दोस्रो खेलमा नेपाललाई आयोजक कुवेतले ४-१ गोल अन्तरले हराएको थियो।
प्रतिक्रिया