गुल्मी– गुल्मीको मदाने गाउँपालिका वडा नम्बर ६ को वडा अध्यक्षमा नेपाली काँग्रेस उम्मेदवार मनिराम थापासहित गठबन्धनको प्यानल नै विजयी भएको छ ।

मदाने–६ मा गठबन्धनका तर्फबाट वडा अध्यक्षका उम्मेदवार मनिराम थापाले ९६२ मत ल्याएर विजयी भएका छन् ।

उनका प्रत्यासी नेकपा एमालेका उम्मेदवार लोकहरि कुँवरले ९०३ मत प्राप्त गरे । मदाने–६ मा गठबन्धनको प्यानल नै विजयी भएको छ ।

मदाने गाउँपालिकामा हालसम्म ६ वडाको मत परिणाम आइसकेको छ । ६ मध्ये ४ वटा वडामा गठबन्धनले र २ वडामा एमालेले जितेको छ ।

गाउँपालिका अध्यक्षमा गठबन्धनका उम्मेदवार महेन्द्र बहादुर कुँवरले अग्रता लिएका छन् भने उपाध्यक्षमा एमालेकी सरिता खड्काले अग्रता लिएकी छिन् ।