काठमाडौं– नेपाली काँग्रेसका महामन्त्री गगन थापाले नेकपा एमालेले मतदाताको अभिमतको अवमूल्यन गरेको बताएका छन् । उनले सामाजिक सञ्जालमा ट्वीटरमा आफ्नो धारणा राख्दै एमालेले निर्वाचन सम्पन्न भइसकेपछि निर्वाचन प्रक्रियामाथि प्रश्न उठाएको बताएका हुन् ।

नेकपा एमालेले आज एक विज्ञप्ति जारी गर्दै स्थानीय तह निर्वाचनमा सत्ता गठबन्धनले धाँधली गरेको आरोप लगाएपछि उनको यस्तो प्रतिक्रिया आएको हो ।

उनले लेखेका छन्– मतदानसम्म ठिक,मतगणनाको प्रारम्भमा पनि ठिक तर, प्रारम्भिक विवरण आउन थालेपछि अन्तिम परिणाम कुर्ने समेत धैर्यता नराखी नेकपा एमालेले सिङ्गो निर्वाचन प्रक्रियामाथि अनेकन प्रश्न उठाउनु ३० गते मतदान गर्ने प्रत्येक मतदाताको अभिमतको अवमूल्यन हो ।