काठमाडौँ- इन्डियन प्रिमियर लिग आईपिएलमा आइतबार २ खेल हुँदैछन् । भारतको मुम्बईस्थित वानखेडे स्टेडियममा हुने खेलमा चेन्नाई सुपर किङ्ग्स र गुजरात टाईटन्स भिड्दैछन् । चेन्नाई र गुजरातबीचको खेल दिउँसो पौने ४ बजे हुनेछ । गुजरात आफ्नो दशौँ जितको खोजीमा छ भने चेन्नाई पाँचौँ जित निकाल्न चाहन्छ । 

गुजरात जित निकाल्दै प्ले अफमा उत्कृष्ट २ मा आफ्नो स्थान पक्का गर्न चाहन्छ । यता चेन्नाई भने अत्याधिक जित र राम्रो प्रदर्शन गर्दै यस सिजनको आईपीएलको सुखद अन्त्य गर्ने योजनामा छ । गुजरात १८ अङ्कसहित तालिकाको शीर्ष स्थानमा छ भने चेन्नाई ८ अङ्कसहित ९ औँ स्थानमा छ । 

मुम्बईको ब्रेबोर्न स्टेडियममा हुने खेलमा लखनउ सुपर जायन्ट्स र राजस्थान रोयल्सबीच प्रतिस्पर्धा हुनेछ । लखनउ र राजस्थानबीचको खेल आज राति पौने ८ बजे हुनेछ । लखनउ ९ औँ जितको खोजीमा छ भने राजस्थान ८ औँ जितको खोजीमा छ ।

 प्ले अफमा उत्कृष्ट २ मा पर्न लखनउ र राजस्थान मैदानमा प्रतिस्पर्धा गर्नेछन् । लखनउ १६ अङ्कसहित दोस्रो स्थानमा छ भने राजस्थान १४ अङ्कसहित तेस्रो स्थानमा छ ।