भक्तपुर– भक्तपुर उद्योग वाणिज्य संघ र अजोड इन्स्योरेन्स लिमिटेडबीचमा सहकार्य सम्झौता भएको छ ।

संघका अध्यक्ष शिवप्रसाद मानन्धर र अजोड इन्स्योरेन्सका प्रमुख कार्यकारी अधिकृत कुमारबहादुर खत्रीले सम्झौतापत्रमा हस्ताक्षर गरेका हुन् ।

त्यसअवसरमा उद्योग व्यवसाय बिमाको आवश्यकता र फाइदा विषयक अन्तर्क्रिया पनि गरिएको थियो ।

कार्यक्रममा संघका अध्यक्ष शिवप्रसाद मानन्धरले बिमाको अपरिहार्यताका बारेमा चर्चा गरेका थिए ।

त्यस्तै, अजोड इन्स्योरेन्सका प्रमुख कार्यकारी अधिकृत कुमारबहादुर खत्रीले भक्तपुर क्षेत्रका व्यवसायीसँग सहकार्य गरी परिस्कृत सेवा प्रदान गर्न यो सम्झौता भूमिका निर्वाह गर्ने बताए ।

कार्यक्रममा अन्य सहभागीहरूले बिमाको महत्वबारे धारणा राखेका थिए ।