काठमाडौँ – पछिल्लो समय नेपाली टेलिभिजनका पर्दाहरुमा गायनसँग सम्बन्धित धेरै रियालिटी शो हरु प्रशारणमा आइरहेका छन् ।

विदेशी फ्रेञ्चाइजहरुले स्थान लिइरहेको अवस्थामा पछिल्लो क्रममा केहि हप्ता पहिलेबाट नेपाली टेलिभिजनमा छुट्टै गायन रियालिटी शो प्रसारणमा आइरहेको छ, ‘नेपाल्स सिङ्गिङ सुपरस्टार’ । गत असार १२ गतेदेखि प्रसारण सुरू भएको यो रियालिटी शो लाई निर्माण कम्पनीले भिन्न बताएको छ । यो शो मा अन्य रियालिटी शो मा प्रतिभा देखाइसकेका ‘स्टार प्रतिभा’ले मात्रै स्थान पाएका छन् ।

अन्य रियालिटी शो मा भाग लिइसकेका गायक गायिका र पाँच वर्षदेखि संगीत साधनामा लागेका गायक गायिकालाई मात्रै छनोट गरिएको आयोजकले बताएको छ । ६ एपिसोड प्रसारण भइसक्दा नै सांगितिक रियालिटी शो ‘नेपाल्स सिङ्गिङ सुपरस्टार’ नेपाली रियालिटी शो प्रेमीहरु लोकप्रिय हुँदैछ। ‘ब्याटल अफ दि स्टार्स’को रूपमा प्रसारण भइरहेको यो कार्यक्रममा निर्णायकको रुपमा दर्शकहरु माझ चर्चित र प्रतिष्ठित निर्णायकहरु संजय श्रेष्ठ, सत्यराज आचार्य, स्वरुपराज आचार्य र मिलन नेवार रहेका छन्।

कार्यक्रममा प्रस्तोताको रुपमा टेलिभिजनको पर्दामा स्थापित होस्ट विवेकसिंह ठकुरी र केन्जल मेहर श्रेष्ठ छन् । ३२ एपिसोडसम्म चल्ने यो प्रतियोगिताका विजेताले २५ लाख रुपैयाँ पुरस्कार पाउनेछन् ।