काठमाडौँ– श्रीलकंका नयाँ प्रधानमन्त्री रणिल विक्रमासिंघेले देशमा जारी आर्थिक संकट सुध्रिनुअघि अझ खराब हुने बताएका छन् ।

बीबीसीसँग बोल्दै प्रधानमन्त्री विक्रमासिंघेले श्रीलकंकाको अवस्था अझ खराब हुनसक्ने बताएका हुन् ।‌‌

नयाँ प्रधानमन्त्रीले श्रीलकंकाको अर्थतन्त्र ‘छिन्नभिन्न’ भएको भनी व्याख्या गरेको बीबीसीले जनाएको छ । तर उनले श्रीलंककालीहरुलाई संयम रहन र आफूले अवस्थालाई विगतमा फर्काउने सन्देश दिन चाहेको बताए ।

विश्वलाई थप आर्थिक सहायताको अपिल गर्दै उनले भने ‘हामी खानेकुरा खोज्छौँ भोक संकट हुनेछैन ।’ श्रीलकंकामा आर्थिक संकट तथा यसबाट सिर्जित अत्यावश्यक वस्तुको अभावका कारण केही श्रीलकंकाहरूको दुई छाक खानामा समेत असर परेको बीबीसीले जनाएको छ ।‌

संकटको व्यवस्थापन गर्न नसकेपछि सरकारको विरोधमा श्रीलकंकाभर हिंसात्मक प्रदर्शनहरु भएका थिए । प्रदर्शन शान्त पार्न रणिल विक्रमसिंघेलाई प्रधानमन्त्रीमा नियुक्त गरिएको थियो ।

प्रधानमन्त्रीका रूपमा उनको यो छैटौँ कार्यकाल हो ।‌ विक्रमसिंघेलाई राष्ट्रपति गोटाबय राजपक्षले बिहीबार शपथ गराएका थिए ।

यद्यपि उनको नियुक्तिलाई संशयका रूपमा हेरिएको छ किनभने उनी राजनीतिक रूपमा प्रभुत्व रहेका राजपक्ष परिवारसँग निकै निकटस्थ रूपमा हेरिने गरिएको छ ।‌

तर बीबीसीलाई दिएको अन्तर्वार्तामा उनले ‘आफूले राजपक्ष सरकारका सबै नीतिहरू परिवर्तन गर्ने’ बताएका छन् ।