काठमाडौँ– नयाँ वर्षको अवसर पारेर ‘कैदीको पत्र’ को फस्ट लुक स्वरुप पोस्टर सार्वजनिक गरिएको छ ।

सनमकुमार बैराग निर्देशित फिल्म साहित्यकार स्व. ईश्वर मानन्धरको चर्चित कथा ‘कैदीको पत्र’ मा आधारित रहेर निर्माण भएको हो ।स्कटल्याण्डको क्रिफ,आवरफेल्दी,केनमोर,ओवन,किलिड्ग,ग्लास्कोलगायतका स्थानमा खिचिएको फिल्ममा पटकथा र संवाद निर्देशक बैरागकै रहेको छ ।

यसमा बेलायती कलाकार माडिशन लाजारोश,क्यारी डुड्स,लरेन्स वेस्टवरी,फस्तासका साथमा सुवर्ण थापा, सलिना थापामगर, कुनाल बिश्व, पृथ्वीराज खत्री, चरण प्रधान, मनिष श्रेष्ठ, प्रसुना कँडेल, सुस्मिता थापा, बिभिया श्रेष्ठ, बिजया श्रेष्ठ,कलिना श्रेष्ठ तथा बालकलाकार किरण कार्की र तपस्या शिवाकोटीले अभिनय गरेका छन् । ३५ प्रतिशत अंग्रेजी भाषामा रहेको फिल्म माया,प्रेम,पारिवारिक सम्बन्ध जस्ता संवेदनशील विषयमा केन्द्रित रहेको जानकारी निर्देशक बैरागले दिएका छन् ।

रामेश्वर कार्कीले खिचेको फिल्मको निर्मातामा हिराल जोशी,नानी हेरा,कैलाश विश्वकर्मा र दील घले छन् । निर्देशक बैरागकै गीत, कविराज गहतराजको कोरियोग्राफी, सम्राट बस्नेतको द्धन्द्ध निर्देशन तथा बिनम्र कर्माचार्य र सुरेश सेन्चुरीको संगीत रहेको फिल्म भिजन संसारको प्रस्तुतिमा बिरञ्जना इन्टरटेन्मेन्ट, महारानी इन्टरटेन्मेन्ट युके र मुभी मेकर्स क्लवले निर्माण गरेको हो । फिल्मलाई नेपालमा वितरण आरआर फिल्मस्ले गर्दैछ ।