सिड्नी- अष्ट्रेलियाको सिड्नीमा आयोजना हुने होमवर्ल्ड थन्डर नेसन कपमा नेपाली समुदायले आफ्नो सहभागिता जनाउने भएको छ ।
यसअघि नेपाली समुदायको प्रतिनिधित्व गर्ने टोली छनोट गरेका थिए ।

टोलीमा आयुष जंग थाडा‚ भुवन कार्की‚ देवेश सोनी‚ मौसुफजंग राणा‚ रुपेश श्रेष्ठ‚ सन्देश आचार्य‚ सुबोध बस्नेत‚ सुजन कार्की र युवराज मल्ल‚
उद्धव दाहाल र सरोज पाठक रहेका छन् । छनोट समितिले ६० जनाबाट ११ उत्कृष्ट खेलाडी छानेका थिए । सिड्नीको चिसो मौसमका कारण छनोट इनडोर गरेका थिए ।

योजनाहरू परिवर्तन भए तापनि‚ खेलाडीहरूले आफ्नो सबै क्षमता र्प्रदशन गरेका थिए । अविश्वसनीय उत्साह र कौशल क्षमता प्रदर्शन गर्ने समितिले नेपाली समुदायको प्रतिनिधित्व गर्न टोली छनोट गरेका थिए।

होमवर्ल्ड थन्डर नेशन कप मेरो लागि र नेपाली क्रिकेट संघका लागि हाम्रो संस्कृति मनाउने अवसर हो, अजय क्षेत्रीले भने।

विभिन्न समुदायहरूलाई जोड्न र क्रिकेटको आनन्द लिन यो कपको रुपमा लिएका उनले बताए । उक्त कपमा नेपाली समुदायसँगै भारत‚ श्रीलंका‚ पाकिस्तान‚ बंगलादेश‚ अफ्गानिस्तानका समुदाय रहेका छन् ।