काठमाडौं- शौर्य सिमेन्टले आफ्नो व्यवसायिक उत्पादनको छोटो अवधिमा मासिक १० लाखको बिक्री लक्ष्य हासिल गर्न सफल भएको छ । शौर्य सिमेन्टले १० महिनामा १० लाखको सिमेन्ट बिक्री गर्ने  आफ्नो लक्ष्य पुरा गरेको छ  ।

कम्पनीले आफ्नो व्यवसायिक उत्पादन २०७८ जेठबाट सुरु गरेको थियो । शौर्य सिमेन्टले  उत्पादनको सुरुबाटै  ग्राहक वर्गको विश्वास जित्न सफल भएको थियो । 

रुस युक्रेन युद्ध तथा कोरोना महामारीबाट प्रभावित निर्माण क्षेत्रको जटिल परिस्थितिमा पनि  यस कम्पनीको यात्रा अत्यन्तै सराहनीय रहेको छ ।

 कम्पनीले हाल बजारमा शौर्य ओपीसी -५३ ग्रेड, शौर्य ओपीसी- ४३ ग्रेड, पीएससी सिमेन्ट उपलब्ध गराएको छ । कम्पनीले  निकट भविष्यमा पीपीसी र लो अल्काली सिमेन्ट उत्पादन गर्ने योजना रहेको जानकारी दिएको छ । 

हरेक पाइलामा चुनौतीलाई अवसरमा परिणत गर्दै आफ्नो लक्ष्य तर्फ अघि बढ्दै उदयपुरको सुन जस्तो चुनढुङ्गाबाट उत्पादित यस सिमेन्ट विशाल परियोजना तथा आम नेपाली माझ लोकप्रिय र गुणस्तरीय ब्रान्ड बन्न सफल भएको छ ।