कुनै चिन्ता, तनाव वा काम फत्ते भयो भने मानिस लामो सास लिन्छन् । चिकित्सक समेत मनलाई स्थिर बनाउन, तनाव कम गर्न, रिस उठेको बेला लगायतमा लामो सास लिन सल्लाह दिन्छन् । कतिपयले यसलाई गम्भीरतापूर्वक लिँदैनन् । तर लामो गहिरो सास लिनु स्वास्थ्यका लागि भने निकै लाभदायक हुन्छ ।

बेलायतको नर्थवेस्टर्न विश्वविद्यालयले गरेको एक अध्ययन अनुसार लामो सास तान्दा मानिसको स्मरण शक्ति बढ्छ । तर सास तान्दा केले तान्दै हुनुहुन्छ भन्ने महत्त्वपूर्ण हुन्छ । नाकले सास तान्ने र मुखबाट सास फाल्दा मानिसले कुराहरू राम्ररी सम्झने अनुसन्धानले देखाएको छ। तर मुखबाट सास लिँदा भने स्मरण शक्ति नबढ्ने देखिएको छ ।

अध्ययनको परीक्षणमा भाग लिएकाहरू मध्ये चित्र देखाएर सास लिन लगाइएको थियो । निकै पछि उनीहरूलाई त्यो चित्रका बारेमा बताउन लगाउँदा उनीहरूले दुरुस्तै बताएका थिए । त्यसैले दैनिक बिहान बेलुका लामो सास लिँदा स्वास्थ्यमा धेरै फाइदा हुने देखिएको छ।

साभार : द डेली मेल