काठमाडौँ – अफ्रीका कप अफ नेसन्स फुटबलमा आयोजक क्यामरुनले इथोपियालाई ४-१ गोल अन्तरले पराजित गरेको छ।

ओलेम्बे स्टेडियममा बिहीबार राति भएको खेलमा इथोपियालाई हराउँदै क्यामरुनले दोसो जित निकालेको हो । आजको खेलसँगै आयोजक क्यामरुन अफ्रिकन कप अफ नेसन्सको अन्तिम १६ मा स्थान बनाउने पहिलो टोली बनेको छ ।

डावा होस्टेसा डुकेलेले सुरुआती एक गोल गरे पनि त्यसपछि क्यामरुनले लगातार ४ गोल गर्दै सहज जित निकालेको हो । क्यामरुन जित दिलाउन कार्ल टोको इकाम्बी र भिन्सेन्ट अबुबाकर दुई-दुई गोल गरेका थिए ।

पहिलो खेलमा क्यामरुनले बुरकिना फासोलाई २-१ गोल अन्तरले हराएको थियो । बुर्किना फासो र केप भर्रेडको २ खेलबाट ३ अंक रहँदा इथिओपिया बिना अंक पुछारमा छ ।

इथोपियाको यो लगातार दोस्रो हार हो । अंक विहीन इथोपिया पुछारमा रहेको छ । बिहीबार राति भएको खेलमा इथोपियालाई ४-१ गोल अन्तरले पराजित गर्दै एक खेल अघि नै प्रिक्वाटरफाइनलमा स्थान बनाएको हो ।

समूहको अर्को खेलमा बुर्किना फासोलाई केप भर्र्डलाई १-० गोलले पराजित गरेको छ । समूह ‘ए’ को क्यामरुनको २ खेलबाट सतप्रतिशत जितसहित ६ अंक छ ।