काठमाडौँ- दक्षिण भारतीय फिल्म अन्तर्गत रहेको कन्नडा फिल्म उद्योगलाई चिन्ने कमै थिए । आफ्नो उद्योगको पहिचान दर्शक माझ स्थापित गर्ने लडाई ‘केजीएफ’ ले जित्यो । यो फिल्म पश्चात् कन्नडा फिल्म उद्योगलाई थाहा नपाउने सायदै छन् । केजीएफको रिलिज भएको दुई च्याप्टर मार्फत यश स्टार मात्र बनेनन् , आफ्नो उद्योगलाई पनि चिनाए । निर्देशक प्रशान्त नीलको कामले उद्योगलाई नै विश्व माझ परिचित गराएको यशले बताएका थिए ।

फिल्ममा मार्फत यश र प्रशान्त मात्र चिनिएनन् । फिल्मकी एक्ट्रेस श्रीनिधि शेट्टी पनि लोकप्रिय बनिन् । केजीएफमा हेर्दा सामान्य देखिएकी श्रीनिधि दोस्रो च्याप्टरमा अधिक स्क्रिन स्पेस पाइन्। लिड हिरोइन श्रीनिधि सन्२०१६ मा सौन्दर्य प्रतियोगिता ‘मिस सुपरनेशनल’ उपाधि जितेकी थिइन्। यद्यपि उनलाई चिनाउने काम सन् २०१८ मा कन्नडा फिल्म ‘ केजीएफ’ ले गर्‍यो ।

यिनै एक्ट्रेसले आफ्नो पारिश्रमिकमा वृद्धि गरेकी छिन् । भारतीय सञ्चारमाध्यमका अनुसार उनले आफ्नो आफ्नो पारिश्रमिक दोब्बर संख्यामा बढाउँदै ६ देखि ७ करोड डिमाण्ड गर्न थालेकी छिन् ।

हालै उनले ‘कोबरा’ नामक फिल्मका लागि ७ करोडको आसपासमा पारिश्रमिक बुझेकी छिन् । यो सँगै उनी कन्नडा फिल्मकी सर्वाधिक महँगी एक्ट्रेस बनेकी छिन् । फिल्म ‘कोबरा’ मा अभिनेता चियान विक्रमसँग श्रीनिधि देखिनेछिन्।  ‘ केजीएफ : च्याप्टर २’ मा तीन करोड भारतीय रुपैयाँ लिएकी थिइन्।