काठमाडौँ : सरकारले आउँदो वर्ष ५ लाख परिवारलाई जग्गाधनी प्रमाण पूर्जा लालपूर्जा वितरण गर्ने तयारी गरेको छ । भूमि व्यवस्था, सहकारी तथा गरिबी निवारण मन्त्री शशी श्रेष्ठले आउँदो वर्ष ५ लाख परिवारलाई जग्गाधनी प्रमाणपूर्जा लालपुर्जा वितरण गर्ने बताएकी हुन् ।

प्रतिनिधिसभामा मन्त्रालयका लागि विनियोजन भएको बजेटको शीर्षकमाथिको छलफलमा उठेका प्रश्नहरुको जवाफ दिँदै उनले करिब १४ लाख परिवार भूमिहीन सुकुम्बासी, भूमिहीन दलित रहेकामा सुकुम्वासी आयोगमार्फत आगामी वर्ष ३०० स्थानीय तहका ५ लाख परिवारहरुलाई जग्गाधनी पूर्जा वितरण गर्ने बताएकी हुन् ।

भूमिहीन दलित, भूमिहीन सुकुम्बासी र अव्यवस्थित बसोबासीको समस्याको दीर्घकालीन समाधानको लागि राष्ट्रिय भूमि आयोग र जिल्ला समितिहरु गठन गरेर कामको सुरुवात गरेको पनि उनको भनाई छ ।