काठमाडौँ– पछिल्लो समय दर्शक मार्फत ‘पुष्पा’ को उपनाम पाएका अभिनेता अल्लु अर्जुन एक शैक्षिक संस्थानले उत्पादन गरेको विज्ञापनमा अभिनय गरेपछि विवादमा तानिएका छन् । सामाजिक कार्यकर्ता उपेन्द्र रेड्डीले एक संस्थानको विशेष विज्ञापनमा अल्लुको अनुहारको प्रयोग गरी भ्रामक प्रचार गरिएको भन्दै कारबाहीको माग गरेका छन् । उनले अल्लु संवेदनशील नभएको आरोप लगाउदै कारवाहीको माग गरेका हुन् । 

उनले अल्लुविरुद्ध विज्ञापनमा अभिनय गरेको आरोप लगाउँदै चैतन्य शैक्षिक संस्थाविरुद्ध गलत सूचना दिएको भन्दै अम्बरपेट प्रहरीमा उजुरी दिएका हुन् । उनले आम मानिसलाई गलत सूचना दिएको भन्दै अल्लु र शैक्षिक संस्थानविरुद्ध मुद्दा चलाउनुपर्ने बताएका छन् । यस अगाडि पनि आफ्नो स्टारडमको गलत फाइदा उठाएको भन्दै भारतीय सेलिब्रेटीहरुलाई आरोप लाग्ने गरेको छ ।