काठमाडौँ– रूसी सेनाले दुई निहत्था युक्रेनी सर्वसाधारणलाई गोली हानेको भिडियो सार्वजनिक भएको छ । 

उक्त घटनामा एकजनाको मृत्यु भएको तथा अर्का एकजना घाइते भएको बताइएको छ । बीबीसीले फेला पारेको उक्त भिडियोमा देखाइएको दृश्य सम्भावित युद्ध अपराध भएको हुनसक्ने भन्दै युक्रेनी अनुसन्धानकर्ताहरूले अनुसन्धान अघि बढाएका छन् ।

सीसीटीभीमार्फत् खिचिएको भिडियोको दृश्यमा निहत्था स्थानीय उद्यमी भासिली पोद्लेभेस्की र उनका सुरक्षा गार्ड लियोनिड प्लियाट्सलाई रुसी सैनिकले गोली हानेको देखिन्छ । घटनामा पोद्लेभ्सकीको मृत्यु भएको र प्लियाट्स घाइते भएका थिए ।

 उनीहरू गोली खाने बेला निहत्था देखिन्छन् । गोली हानिएको दिन प्लियाट्सले दुई जना साथीहरूसँग पनि कुराकानी गरेको जनाइएको छ ।