काठमाडौँ– मिस्टर युनिभर्समा भाग लिन नेपालबाट फिटनेश ट्रेनर सुरेश देवा भारतको पुने प्रस्थान गरेका छन् ।

आगामी अप्रिल १५ देखि १७ सम्म पुनेमा मिस्टर युनिभर्स आयोजना हुँदैछ । संसारभरका १ सय ९२ देशबाट सहभागिता रहने मिस्टर युनिभर्समा नेपालबाट सुरेश सहभागि हुने भएका हुन् ।

मिस्टर युनिभर्स एशियामै पहिलोपटक हुन लागेकाले पनि यसको चर्चा बढेको हो । मिस्टर युनिभर्सका लागि देवासँगै मरिस मान लामाको पनि सहभागिता रहने छ । लामाले विल्डिङमा सहभागिता जनाउने छन् भने देवाले मेन्स फिजिक १ सय ७१ सिएम क्याटोगरी मार्फत सहभागिता जनाउने छन् ।

देवाले यसअघि वर्ल्ड च्याम्पियन शिप, आर्नल क्लासिक एशिया, ओलपिया अमाच्युअर, एशियन च्याम्पियन शिप, एशियन विज, नेशनल च्याम्पिनयन शिप २०७५ लगायतमा सहभागिता जनाइसकेका छन् । देवा र लामालाई नेपाल ओलम्पिक कमिटीले पनि एक कार्यक्रमको आयोजना गरी बिदाई गरेको छ ।