काठमाडौं– चीनमा कोरोना भाइरसका संक्रमितको संख्या बढेसँगै लागू गरिएको लकडाउनका कारण एप्पल कम्पनीको आइफोन उत्पादन गर्ने कारखाना बन्द गरिएको छ ।
एप्पलका लागि आइफोन बनाउँदै आएको ताइवानी कम्पनी पेगाट्रनले चीनमा रहेका आफ्ना दुई कारखानाको काम बन्द गर्ने घोषणा गरेको छ ।
बीबीसीले जनाएअनुसार यस कम्पनीले साङ्घाई शहर र नजिकैको कुनशानमा रहेका आफ्ना दुई कारखानाको काम केही समयका लागि बन्द गर्ने भएको हो ।
कम्पनीले सक्दो छिटो काम थाल्न समेत तयार रहेको जनाएको छ । यसअघि गत महिना आइफोनको जडान गर्दै आएको अर्को ताइवानी कम्पनी फक्सकनले पनि चीनको सेन्जेन शहरमा रहेको आफ्नो कारखानाको काम बन्द गरेको जनाएको थियो ।
प्रतिक्रिया