काठमाडौँ- बलिउड एक्ट्रेस श्रुति हासनले अल्कोहलको लतले आफूलाई कामबाट टाढा बनाएको बताएकी छिन् । उनले लक्ष्मी प्रसन्नासँगको अन्तर्वार्तामा अल्कोहलको लत लागेको स्वीकार गर्दै त्यस बेलाको समयलाई सम्झिएकी हुन् । ‘एक समय ह्विस्कीको यति लत लागेको थियो कि यसकै कारण फिल्मबाट नै ब्रेक लिएँ’ उनले कुराकानीको क्रममा भनेकी छिन् ।

अल्कोहलले कामबाट टाढा बनाउन थालेपछि आफू विस्तारै त्यहाँबाट बाहिर आएको बताइन्। ‘मैंले अल्कोहलको लत छुटाउन सफल भएपछि बल्ल त्यो समयलाई समीक्षा गर्न सकेकी छु’ उनले भनिन् । पछिल्लो समय उनी एकपछि अर्को फिल्ममा व्यस्त छिन् । प्रभाससँग अभिनय रहेको उनको फिल्म ‘सलार’ आउँदो वर्ष प्रदर्शनमा आउने छ ।

उनी साउथका सुपरस्टार कमल हसनकी छोरी हुन् । फिल्ममा आउनुअघि मोडलिङ गरेकी हसन गायिका र संगीतकार पनि हुन्। उनले आफ्नो पिताको फिल्म ‘थेवार मगन’ मा ६ वर्षमै गीत गाएकी थिइन् । फिल्म ‘लक’ बाट बलिउडमा डेब्यु गरेकी श्रुतिले फिल्म ‘रमैया वस्तावैया’ मा पनि अभिनय गरेकी थिइन् ।