काठमाडौं– अहिलेको जमानामा फेसबुक मानव जीवनको अभिन्न अङ्ग बनिसकेको छ । फेसबुक नचलाउने वा फेसबुक प्रोफाइल नभएका मानिस आजकल भेट्न मुस्किल छ ।

फेसबुक र अरु सामाजिक सञ्जालको बढ्दो प्रयोगसँगै प्रयोगकर्ताहरू आफ्नो प्रोफाइलको गोपनियतामाथि पनि सचेत हुन आवश्यक छ । यसका लागि फेसबुकमा एउटा फिचर उपलब्ध छ ।

के तपाईँ आफ्नो प्रोफाइलका गोप्य जानकारी अरु कसैले नहेरोस् भन्ने चाहनुहुन्छ ? त्यसका लागि फेसबुकमा एउटा फिचर उपलब्ध छ । यो फिचरले अरु मानिसलाई आफ्नो प्रोफाइल स्क्रिनसट गर्न, प्रोफाइलमा भएका तस्वीर अरु सामग्री डाउनलोड गर्न दिँदैन । यसले अरु कसैलाई तपाईँका महत्वपूर्ण फाइलमा पहुँच दिँदैन ।

यद्यपि नेपालमा भने फेसबुकको प्रोफाइल गार्ड फिचर उपलब्ध छैन । यसका लागि प्रयोगकर्ताले थर्ड पार्टी एपको प्रयोग गर्नुपर्ने हुन्छ ।

यसका लागि शुरुमा गुगल प्लेस्टोरमा गएर ‘मोनोकाइ टुलकिट’ (monokai toolkit) नामक एप इन्स्टल गर्नुपर्ने हुन्छ । त्यसमा आफ्नो अकाउन्ट लग इन गर्नुभयो भने त्यहाँ फिड, म्यासेज, टुल र सेटिङ गरी चारवटा अप्सन देखा पर्छन् ।

टुलमा ट्याप गरिसकेपछि नयाँ पेजमा सर्चबारको दायाँपट्टि अरु तीनवटा अप्सन देखा पर्छन् ।

अब ती तीनमध्ये बीचमा रहेको आइकन पर्सनलमा ट्याप गर्नुहोस् । त्यहाँ गार्ड फिचर देखा पर्छ । त्यसमा अवतार गार्ड देखिन्छ । त्यसलाई अन गर्दा फेसबुकको प्रोफाइल गार्ड स्वतः एक्टिभेट हुन्छ ।