काठमाडौँ – नेकपा माओवादी अध्यक्ष पुष्पकमल दाहाल प्रचण्डले आफूले प्रतिनिधिसभा बैठक स्थगित गरेको भनेर बदनाम गरिएको गुनासो गरेका छन् ।

प्रधानमन्त्री शेरबहादुर देउवाको आग्रहमा संसद बैठक सारिए पनि आरोप भने आफुलाई लागेको बताए । २७ औं ‘जनयुद्ध दिवस’को अवसरमा पेरिसडाँडामा आयोजित कार्यक्रमलाई सम्वोधन गर्दै अध्यक्ष प्रचण्डले प्रतिनिधिसभा बैठक आफनो आदेश र निर्देशनमा नभई प्रधानमन्त्रीको आग्रहमा स्थगित गरिएको प्रस्ट्याएका हुन् ।

‘प्रचण्डको निर्देशनमा पहिला ६ दिन अनि अहिले १० दिन स्थगित गरिएको भनेर झुटो प्रचार गरियो, हिजो प्रधानमन्त्रीजीले मसँगको भेटमा मैले बैठक राेके तपाईँको नाम जोडियो भनेर भन्नुभयो।’. ’प्रचण्डले भने, ‘प्रचण्डलाई बदनाम गराउन अझै पनि लागिरहेका छन्।’

हिजो सञ्चारमन्त्रीले आफ्नै अगाडी सभामुखलाई फोन गरेर बैठक स्थगित गराउन लगाए पनि प्रचार भने प्रचण्डको नाममा भएको उनले बताए।