काठमाडौँ – साफ महिला च्यापियनसिपमा नेपालले श्रीलंकालाई हराएर सेमिफाइनलको यात्रा तय गर्ने लक्ष्य साथ आज मैदानमा उत्रिँदै छ।

काठमाडौँको दशरथ रंगशालामा नेपाली समयअनुसार बेलुका साढे ५ बजे सुरु हुने खेलमा नेपाल श्रीलंकालाई हराउने लक्ष्यसहित मैदानमा उत्रिन लागेको हो।

समूह ‘बी’को अन्तिम खेलमा श्रीलंकालाई हराएर समूह विजेताको रुपमा नेपाल सेमिफाइनलमा पुग्ने लक्ष्यमा छ।पहिलो खेलमा भुटानलाई ४–० ले पराजित गरेको  नेपालले आज श्रीलंकासँग भिड्न लागेको हो।

दुई खेल खेलिसकेको भुटान भने एकमा जित र एकमा हार व्यहोरेर समूह बी बाट सेमिफाइनल प्रवेश गरिसकेको छ।भुटानले श्रीलंकालाई ५–० ले हराएर सेमिफाइनलमा स्थान बनाएको हो।नेपालले सोमबारको खेलमा श्रीलंकालाई हराएमा वा बराबरमा रोकेमा समूह विजेता हुनेछ।