काठमाडौँ– विश्वप्रसिद्ध लेखक सलमान रुस्दीमाथि सांघातिक आक्रमण भएको छ । अमेरिकाको न्युयोर्क सहरमा आयोजित कार्यक्रममा बोल्ने क्रममा रुस्दीमाथि आक्रमण भएको हो ।
उनीमाथि छुरा प्रहार भएको प्रहरीले जनाएको छ । उनलाई आक्रमण गर्ने व्यक्तिको नाम भने सार्वजनिक नगरिएको एएफपीले जनाएको छ ।
आक्रमणपछि रुस्दी भुइँमा ढलेका थिए । रुस्दी भुइँमा ढलेपछि कार्यक्रममा उपस्थित अन्य मानिसहरू मन्चमा पुगेर उनलाई उठाएका थिए ।
भारतमा जन्मिएका उपन्यासकार रुस्दी सन् १९८१ मा प्रकाशित कृति मिडनाइट चिल्ड्रेनबाट विश्वप्रसिद्ध भएका थिए । ७५ वर्षीय रुस्दीले हालसम्म चार पुस्तक लेखेका छन् ।
प्रतिक्रिया