रौतहट – जनता समाजवादी पार्टी नेपालका नेताहरुले पार्टी नीति विपरीत चुनावी अभियानमा जुटेका छन्।

जसपा रौतहटका जिल्ला अध्यक्षले पार्टी परित्याग गरेको केही दिन नबित्दै जसपाका अर्का प्रभावशाली नेता अनिल यादवले खुलेर काङ्ग्रेसलाई समर्थन गरेका छन्।

यादवले रौतहट ३ (ख) का लागि नेपाली काग्रेसका प्रदेश उम्मेदवार जितेन्द्र यादवलाई भोट हाल्न सार्वजनिक आव्हान गरिरहेका छन्।

एमालेसँग गठबन्धन गरे पनि जसपाका यादव नेताहरूले कांग्रेसको यादव उम्मेदवारलाई सघाउने ‘अप्रत्यक्ष’ नीति लिएको अनिल यादव निकटको स्रोतबाट बुझिएको छ।

अध्यक्ष उपेन्द्र यादवका विश्वासपात्र मानिने अनिलले त्यसो गर्नुका कारण जसपाभित्रको चरम जातिवाद रहेको देखिन्छ।