काठमाडौँ- सञ्चारकर्मी सुष्मा श्रेष्ठलाई यस वर्षको ‘ईश्वरी स्मृति मातृभूमि राष्ट्रिय सम्मान’ प्रदान गरिएको छ ।

डेढ दशक यता सञ्चार क्षेत्रमा विशेष योगदान पुर्‍याउँदै आएकी महिला सञ्चारकर्मीका रूपमा सुष्मालाई मातृभूमि साहित्य समाज परिवारले शनिबार हेटौँडामा आयोजित कार्यक्रममा सम्मान गरेको हो ।

समाजले ‘ईश्वरी स्मृति मातृभूमि राष्ट्रिय सम्मान’ शिक्षा, साहित्य, संचार, पत्रकारिता, मानव अधिकारलगायत विविध क्षेत्रमा उत्कृष्ट योगदान पुर्‍याउँदै आएका व्यक्तित्वहरूलाई प्रदान गर्दै आएको छ । सम्मानित भएपछि सुष्माले धन्यवाद दिएकी छिन् । ‘आफ्नो कर्ममा निरन्तरता दिँदा पाइने यस्ता सम्मानले झनै हौसला थप्छ । यसले थप दायित्व बोध गराएको छ’ उनले भनिन् ।