काठमाडौँ- एमालेनिकट युवा संघ नेपालले बिचौलियाको खेल बन्दसहितको माग राखेर यातायात व्यवस्था कार्यालय एकान्त कुनामा धर्ना दिएको छ ।
सवारी चालक अनुमति पत्र वितरणमा लापरबाही, ढिलासुस्ती र बिचौलियाको खेल बन्द गर्नुपर्ने माग गर्दै युवा संघले सोमबार कार्यालय घेराउ गरेको हो ।
कार्यालयमा रहेका बिचौलियाले सेवाग्राहीलाई दुःख दिएको, लाइसेन्स वितरणमा ढिलासुस्ती जस्ता लापरबाहीको अन्त्यको माग राखेर संघले कार्यालयमा धर्नासहित ध्यानाकर्षण गरेको हो । साथै कार्यालय प्रमुखलाई मागसहितको ज्ञापन पत्र पनि संघले बुझाएको छ ।
प्रतिक्रिया