काठमाडौँ- अष्ट्रेलिया र श्रीलंकाबीचको तेस्रो टी–ट्वान्टी खेल आज हुँदैछ । श्रीलंकाको पल्लेकेलेमा आज हुने खेलमा अष्ट्रेलिया लगातार तेस्रो जितको खोजीमा रहेको छ ।

अष्ट्रेलिया र श्रीलंकाबीचको खेल नेपाली समयअनुसार बेलुकी सवा ७ बजे सुरु हुनेछ । यसअघि भएको दुई खेलमा जित निकाल्दै अष्ट्रेलियाले ४ अङ्क जोड्न सफल भएको छ । दोस्रो टी–ट्वान्टी खेलमा अष्ट्रेलियाले घरेलु टोलीलाई ३ विकेटले पराजित गरेको थियो । पहिलो खेलमा भने अष्ट्रेलियाले श्रीलंकालाई १० विकेटले पराजित गरेको थियो ।

दुई राष्ट्रबीचको ५ एकदिवसीय सिरिज भने जुन १४ मा सुरु हुनेछ । यसपश्चात् दुई टेस्ट खेल खेल्ने तालिका रहेको छ । टेस खेल भने जुन २९ मा सुरु हुनेछ ।