काठमाडौँ– नेकपा एमालेका उपाध्यक्ष विष्णुप्रसाद पौडेलले एमालेको विजय यात्रालाई कुनै पनि गठबन्धनले रोक्न नसक्ने दाबी गरेका छन् ।

बझाङको चैनपुरमा पार्टीको जिल्ला कमिटीले गरेको सभामा उपाध्यक्ष पौडेलले एमालेका अगाडि कुनै पनि गठबन्धन टिक्न नसक्ने बताएका हुन् ।
उनले गठबन्धनमा आबद्ध दलहरूसँग एक्लै चुनाव लड्ने हिम्मतसमेत नभएको बताए ।

पूर्वअर्थमन्त्रीसमेत रहेका पौडेलले एमालेको सरकार बनेमा बझाङमा लाखका होइन अबौँका विकासका आयोजनाहरू आउने दाबी गरे ।

एमाले बाहेक अरु पार्टीको सरकारले लाख र करोडका आयोजना ल्याएका होलान तर, आफ्नो पार्टीको सरकारले अर्बौँको आयोजना ल्याउने उनको भनाइ छ ।

उनले देश विकासका लागि एमालेकै सरकार चाहिने पनि जिकिर गरेका थिए ।