काठमाडौँ– दराज, नेपालको अग्रणी अनलाइन बजारले आफ्नो वार्षिक अभियान नव वर्ष २०७९- ‘नयाँ रहर, नयाँ अफर’ सुरु भएको घोषणा गरेको छ ।

यो अभियान आधिकारिक रुपमा आइतबार देखी सुरु भएको छ भने यस वर्षको अभियान विगतका वर्षहरू भन्दा फरक हुने र आफ्ना ग्राहकहरूलाई थप आकर्षक र रोमाञ्चक शपिंग अनुभव प्रदान गर्ने दराजले आश्वासन दिएको छ ।

दराज नव वर्ष २०७९ को प्रमुख आकर्षणहरू मध्ये एक पेमेन्ट पार्टनर छुट रहेको छ जसमा ग्राहकहरुले सिमीत डेबिट र क्रेडिट कार्डबाट प्री–पेमेन्ट गर्दा रु १००० देखि रु १५०० सम्मको छुट् पाउन सक्नेछन्।

यसबाहेक, दराजका ग्राहकहरूले ई–सेवा र आईएमई–पे वालेट मार्फत भुक्तानी गर्दा सीमित अवधिको लागि १०% सम्मको अतिरिक्त छुट पनि प्राप्त गर्न सक्ने बताइएको छ ।

दराजले आफ्ना ग्राहकहरूलाई अभियानको क्रममा सबै विशेष बैंक छुटहरूको फाइदा उठाउन आफ्ना बैंक कार्डहरू सक्रिय गर्न आग्रह गरेको छ ।