काठमाडौँ– परराष्ट्रमन्त्री एवं कांग्रेसका नेता डा. नारायण खड्काले दुई-दुई पटक संसद् भंग गर्नेलाई जनताले विश्वास नगर्ने बताएका छन् ।
मंगलबार उदयपुरमा आयोजित सभालाई सम्बोधन गर्दै खड्काले जनमतलाई कुल्चेर दुई-दुई पटक संसद् भंग गर्ने, कहिले कुन चिन्ह कहिले कुन चिन्ह लिएर जनतामा भोट माग्न आउनेहरुलाई जनताले विश्वास नगर्ने बताएका हुन् । उनले जनताको अधिकार खोस्न खोज्नेलाई जनतासँग भोट माग्ने अधिकार नभएको जिकिर गरे । उनले भोट माग्न आउनेलाई किन भोट दिने भनेर मतदाताले सोध्नुपर्ने बताए ।
उनले अबको निर्वाचनमा कांग्रेसको जित सुनिश्चित भएको दाबी गरे ।
प्रतिक्रिया