काठमाडौं- दक्षिण कोरियाले उत्तर कोरियासँगको वार्ताको ढोका खुला राख्ने जनाएको छ । दक्षिण कोरियाका नवनियुक्त राष्ट्रपति युन सुक–येउलले सोमबार पत्रकारहरुसँग उत्तरसँग वार्ताको ढोका खुलै रहेको धारणा राखेका हुन् ।

सोमबार दक्षिण कोरियाको नेसनल एसेम्बलीमा भएको सपथ समारोह पछि त्यहाँ उपस्थित पत्रकारहरुसँग उनले आफूले उत्तर कोरियासँग वार्ताको ढोका सधैँ खुला राख्ने बताएका हुन् ।

उनले भनेका छन्, ‘हामी सबै समस्याहरुको समाधान शान्तिपूर्ण रुपमा वार्ताबाट गर्न सकिन्छ भन्ने विश्वास गर्छौँ त्यसैले हामी सबैसँग वार्ताको ढोका खुला राख्दछौँ ।’

सोमबारबाट दक्षिण कोरियामा नयाँ राष्ट्रपतिको पाँच वर्षे कार्यकाल सुरु भएको छ ।

उनले आफ्नो कार्यकालमा उत्तर कोरियासँग वार्ता गर्ने र कोरियाली प्रायद्वीपको समस्या शान्तिपूर्ण वार्ताका माध्यमबाट समाधान गर्ने पनि बताए ।