काडमाडौँ– नयाँ वर्ष २०७९ को पहिलो दिन अर्थात वैशाख १ गते काडमाडौँको टुँडी खेलमा ‘सेलेब्रेसन’ नामक सांगीतिक कार्यक्रम आयोजना हुने भएको छ ।

ओम नेपाल मिडिया र ओशो तपोवनको सहकार्यमा आयोजना हुने कार्यक्रममा ध्यान, सांगीतिक प्रस्तुति, नृत्य लगायत विभिन्न प्रस्तुति रहने आयोजकले जनाएको छ ।

‘गायन र नृत्यको उत्सवसँगै ध्यान नयाँ वर्ष मनाउनु विगतको भन्दा बेग्लै अनुभव हुनेछ’ आयोजक स्वामी आनन्द अरुणले भने ‘नयाँ वर्ष नयाँ तरिकाले सुरुवात गराऔं भन्ने अर्को उद्देश्य पनि हो ।’ नयाँ वर्ष ध्यानमा रमाउन सहयोग समेत गर्न लागेको आनन्द अरुणको भनाई रहेको छ ।

कार्यक्रममा स्वामी आनन्द अरुणले सत्सङ्ग तथा ध्यान, विश्वप्रसिद्ध निर्गुण कबिरवाणी गायक पद्मश्री विभूषित प्रह्लाद सिंह टिपणियाको विशेष प्रस्तुतिको बाहेक ‘कुटुम्ब’ ब्याण्डको लाइभ प्रस्तुति रहनेछ । हाँस्य कलाकार मनोज गजुरेको समेत कमेडी प्रस्तुति रहने कार्यक्रममा प्रदीप रोदन, गायिका बेनिसा पौडेल, मोहन वीणा वादक, रोशन शर्माले समेत दर्शकलाई मनोरञ्जन दिलाउने आयोजकको भनाई रहेको छ ।

मौलिक नेपाली पर्वहरू ओझेलमा परिरहेको वर्तमान सामाजिक परिस्थितिमा नयाँ वर्षको पहिलो दिनलाई विशेष बनाउने कार्यक्रम आयोजना गरिएको हो ।