काठमाडौँ- नेपाल एएफसी फुटसल एसियन कप छनोटको पहिलो खेलमा उज्बेकिस्तानसँग पराजित भएको छ ।

किर्गिजस्तानको राजधानी बिस्खेकमा आइतबार भएको खेलमा नेपाल उज्बेकिस्तानसँग ५–१ गोल अन्तरले पराजित भएको हो ।

उज्वेकिस्तानको जितमा रोपिभ इख्तियारले २ तथा खुस्निद्दीन निशोनोभ, उश्मोनोभ अकबर र एलमुरोदोभ एब्बोसले समान १ गोल गरे । नेपालका लागि मणि लामाले १ गोल गर्न सफल भए ।

नेपालका लागि मणिले खेलको २८ औँ मिनेटमा गोल गरेका हुन् । छनोटमा नेपाल उज्बेकिस्तान, अफगानिस्तान र ताजिकिस्तानसँगै सेन्ट्रल एण्ड साउथ जोनको समुह बीमा छ ।

छनोटअन्तर्गत सोमबार नेपाल र ताजिकिस्तान आमने सामने हुनेछन् । छनोटको अन्तिम खेलमा भने नेपाल र अफगानिस्तान चैत्र २९ गते भिड्नेछन् ।