काठमाडौँ– नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) ले एनएनआईपीए स्पोर्टस् अवार्ड फागुन १७ गते गर्ने निर्णय गरेको छ ।

आयोजकले बिहीबार पत्रकार सम्मेलन गर्दै अवार्ड कार्यक्रम ललितपुरस्थित वज्रवाराही मन्दिरमा हुने जनाएको हो ।

यसपटक ओलम्पिक कमिटीबाट आधिकारिकता प्राप्त २७ खेलकुदका संघले राष्ट्रिय तथा अन्तर्राष्ट्रिय प्रतियोगिताहरूमा देखाएको उच्च प्रदर्शनका आधारमा छनोट गरी सिफारिस गर्ने खेलाडीहरूलाई पुरस्कार प्रदान गर्ने संघले जनाएको छ ।

२७ खेलका उत्कृष्ट खेलाडीले १० हजारसहित ट्रफी प्राप्त गर्ने छन् । त्यस्तै उत्कृष्ट खेलाडीमध्येबाट एक पुरुष र एक महिला सर्वाेत्कृष्ट खेलाडी चयन गरिने छ । जसले नगद १ लाख पुरस्कार प्राप्त गर्ने छन् ।

त्यसैगरी, एक पुरुष र एक महिला प्रतिभाशाली खेलाडी चयन गरिने र विजयीले ५० हजार प्राप्त गर्ने छन् । एक पुरुष र एक महिला उदीयमान खेलाडी चयन गरी ५० हजार नगदले सम्मान गरिने छ । खेलकुदमा जीवन व्यतित गर्ने र खेलकुदको विकासमा योगदान पु¥याएकालाई गजराज आदर्श खेल व्यक्तित्व पुरस्कारबाट सम्मान गरिने छ ।

यस्तै, एक खेल पत्रकारलाई २५ हजार राशीको एनएनआईपीए खेल पत्रकार पुरस्कारबाट सम्मान गरिने छ । एक जनालाई भने १० हजार राशीको वर्ष उत्कृष्ट पारा खेलाडीको अवार्ड दिइने छ ।