लसएञ्जल्स(अमर उजाला)–प्रख्यात अमेरिकी कमेडियन बब सगेट मृत भेटिएका छन् । उनी ६५ वर्षका थिए । उनको शव एक होटलमा बरामद गरिएको हो । उनको मृत्युको कारण खुल्न सकेको छैन । प्रहरीले यो मामलामा अनुसन्धान गरिररहेको छ ।

बबको मृत्युको खबरले उनका फ्यान दुःखी छन् । सामाजिक सञ्जालमा उनको कमेडी क्लिप राखेर सम्झना गरिरहेका छन् । प्रहरीले मृतक भेटिएको होटलबाट केही प्रमाण फेला पार्न सकेको छैन । प्रहरीले होटल कोठाबाट लागुऔषध सम्बन्धी कुनै पनि कुरा नभेटिएको जनाएको छ । होटलका कर्मचारीले आइतबार बिहान ४ बजे बबको शव भेटेका थिए ।

बबको टेलिभिजन शो ‘फूल हाउस’ लोकप्रिय मानिन्छ । यो शो सन् १९८७ देखि १९९५ सम्म प्रसारण भएको थियो । उनले यो शोमार्फत करोडौं दर्शकको मन जितेका थिए । उनले कैयौं टेलिभिजन शोको होस्ट पनि गरेका थिए ।

बबको जन्म अमेरिकामा सन् १९६५ मे १७ मा भएको थियो । उनले सन् २०१४ मा ‘डर्टी ड्याडी’ नामक पुस्तक सार्वजनिक गरेका थिए ।