काठमाडौँ- सरकारले बेलायतकी महारानी एलिजावेथ द्वितीयको निधनमा नेपालमा तीन दिन शोक मनाउने भएको छ ।
सरकारले महारानीको निधनमा यही भदौ २५, २६ र २७ गते तीन दिन शोक मनाउने निर्णय गरेको हो ।
शुक्रबार बसेको मन्त्रिपरिषद बैठकले महारानी एलिजावेथ द्वितीयको निधनप्रति गहिरो दुःख व्यक्त गर्दै दिगंवत आत्माको चिरशान्तिको कामना गर्ने निर्णय समेत गरेको छ ।
यससँगै सरकारले नेपालभरका सरकारी कार्यालयहरु एवं विदेशस्थित नेपाली राजदूतावास र नियोगहरुमा राष्ट्रिय झण्डा आधा झुकाउने निर्णय गरेको छ ।
महारानी एलिजावेथको बिहीबार ९६ वर्षको उमेरमा निधन भएको थियो ।
प्रतिक्रिया