काठमाडौं– नेकपा (माओवादी केन्द्र) का प्रमुख सचेतक देव गुरुङले प्रधानमन्त्री र प्रधानसेनापतिको अमेरिका भ्रमण स्थगित गर्न माग गरेका छन् ।

संसद्मा सम्बोधन गर्दै प्रमुख सचेतक गुरुङले सुरक्षा संवेदनशीलतालाई मध्यनजर गर्दै प्रधानमन्त्री र प्रधानसेनापतिको अमेरिका भ्रमण स्थगित गर्न माग गरेका हुन् ।

उनले प्रधानसेनापति र प्रधानमन्त्रीको भ्रमण नरहेको बताउँदै राष्ट्रिय सुरक्षा संवेदनशीलतालाई ध्यानमा राखेर भ्रमण स्थगित गर्न माग गरे ।

अहिले अत्यन्तै संवेदनशील अवस्था रहेको बताउँदै उनले अहिलेको परराष्ट्र नीति सैन्य नीतिमा गइरहेको समेत टिप्पणी गरे । उनले भ्रमण नै भयो भने महत्वपूर्ण सम्झौताहरूमा हस्ताक्षर हुन नहुने उनको भनाइ छ ।