काठमाडौँ– फिल्म ‘सिल्ली फो’ प्रदर्शनको लागि तयारी गरिरहेको छ । आउँदो असार ३१ गतेबाट प्रदर्शनमा आउने भनिएको फिल्मको पोष्ट प्रोडक्सन अन्तर्गत डबिङ सकिएको छ । 

राजबहादुर साने निर्देशित फिल्म कमेडी जनरामा निर्माण भएको हो । फिल्ममा केकी अधिकारी, धीरेन शाक्य, रवीन्द्र झा, राजाराम पौडेल, दिनेश रेग्मी, भूगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल (मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट (सागर), सौजन  बोहोरा जयमन विश्वकर्माको अभिनय रहेको छ ।

मनोज डिके निर्माता रहेको फिल्ममा विशाल श्रेष्ठ सह-निर्माता छन् ।

फिल्ममा दिव्य सुवेदी, वीरेन्द्र परियार, नरेन्द्र आलेको छायांकन, देव महर्जनको द्वन्द्व, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’ को सम्पादन, अनन्त घिमिरेको कलर, मदन बास्तोलाको भीएफएक्स रहेको छ ।