काठमाडौं– पाकिस्तानी प्रधानमन्त्री इमरान खानविरुद्ध अविश्वासको प्रस्तावमाथि अझै मतदान हुन सकेको छैन ।
सर्वोच्च अदालतको आदेश अनुसार शनिबार बिहान साढे १० बजे संसद्को बैठक बसेर खानविरुद्धको अविश्वासमा मतदान हुने कार्यक्रम थियो ।
यद्यपि साढे १० बजे संसद्को बैठक बसेको केही समयमा नै साढे १२ बजे सम्मका लागि स्थगित गरिएको थियो ।
सांसद शाजिया सोबियाकी आमाको निधन भएको भन्दै केही समयलगत्तै बैठक साढे १२ बजे बस्नेगरी सारिएको पाकिस्तानबाट प्रकाशित हुने डन अखबारको अनलाइन संस्करणले जनाएको छ ।
साढे १२ बजे बस्ने भनिएपनि बैठक निकै ढिलागरी शुरु भएको थियो । हाल प्रधानमन्त्रीमाथिको अविश्वासको प्रस्तावमाथि छलफल भइरहेको छ ।
प्रतिक्रिया