काठमाण्डौ – काठमाण्डौको कंकाली माध्यामिक विद्यालयमा मेरो जीवन–अब आरम्भ हुन्छ, किशोर किशोरीहरूका निमित्त ज्ञान र सीप विषयक एक दिने छलफल कार्यक्रम सम्पन्न भएको छ । उक्त कार्यक्रममा कक्षा ९ का विद्यार्थीहरुको सहभागिता रहेको थियो ।

चन्द्रागिरी नगर पालिका वडा नं १३ स्थित उक्त विद्यालयमा सञ्चालित कार्यक्रम आत्मशक्ति वृद्धि गर्ने, असल सम्बन्ध बनाउने, छिटोछरितो निर्णय लिने, स्वस्थ जीवनपद्धतिमा बाँच्ने र नकारात्मक विचारका समकक्षीहरूको दबाबलाई कसरी सामना गर्ने भन्ने जस्ता विषयहरुमा छलफल गरिएको थियो ।

छलफलको क्रममा सहभागी विद्यार्थिहरुले किशोर किशोरीकोे उमेरमा मन अस्थिर र चञ्चल हुने भएकोले साथिहरुको लहलहैमा लागेर युवाहरु सजिलैसँग कुलतमा फसिरहेको बताएका थिए । यस्ता समस्याहरुले समुदायमा विरालरुप लिंदै गएको सहभागीहरुको भनाई थियो ।

आशाका लागी रणनितीहरु नामक बेलायती सस्थाले अंग्रेजीमा तयार पारेको मेरो जीवन–अब आरम्भ हुन्छ, किशोर किशोरीहरूका निमित्त ज्ञान र सीप सम्बन्धी निर्देशिकालाई नेपाली परिवेशमा ल्याएर तयार पारेको सक्रिय शाथ नामक सस्थाले उक्त कार्यक्रमको आयोजना गरेको हो ।

उक्त छलफल कार्यक्रममा संस्थाका श्रोत व्यक्तिहरु लिडिया लामा र श्याम सुन्दर बास्कोटाले सहजीकरण गरेका थिए ।

मेरो जिवन अब आरम्भ हुन्छ, किशोर किशोरीहरुको निमित्त ज्ञान र सीप विद्यार्थिीहरुमा केन्द्रीत यस्ता निर्देशीका अत्यन्त प्रभावकारी रहेको र ती पुस्तकको अध्ययन र तालिमबाट धेरै कुरा सिक्ने मौका पाएको तालिमका सहभागी किशोर किशोरीहरूले बताएका छन । सक्रिय शाथ एउटा गैर सरकारी सामाजिक संस्था हो ।