काठमाडौँ- विश्व स्वास्थ्य सङ्गठन (डब्ल्युएचओ) ले विश्वव्यापीरूपमा कोभिड–१९ सङ्क्रमण र कोभिडजन्य मृत्युदर घटेको बताए तापनि भारत र दक्षिण कोरियामा भने सङ्क्रमितहरूको सङ्ख्यामा उल्लेखनीय कमी आएको छैन ।

कोरियाली स्वास्थ्य मन्त्रालयले सार्वजनिक गरेको सूचनामा पछिल्लो विवरणअनुसार दक्षिण कोरियामा ७२ हजार पाँच छ सय ४६ जना नयाँ सङ्क्रमित थपिएका छन् ।

त्यसअघिको विवरणअनुसार कोरियामा ८५ हजार पाँच सय ४० जना नयाँ सङ्क्रमित थपिएका थिए । हाल दक्षिण कोरियामा कोभिड–१९ सङ्क्रमितको कूल सङ्ख्या दुई करोड ३८ लाख ६४ हजार पाँच सय ५० पुगेको छ ।

कोरोना सङ्क्रमणबाट थप ६४ जनाको मृत्यु भएको छ । यो सँगै कोरियामा कोभिड–१९ लागेर ज्यान गुमाउनेको सङ्ख्या २७ हजार तीन सय १३ पुगेको छ । दक्षिण कोरियामा तत्काल यो महामारी साम्य हुने लक्षण देखिएको छैन ।