काठमाडौँ– केही समय यता गायिका इन्दिरा जोशी चर्चामा छिन् । उनले प्रेमी शरद केडियासँग विवाह गरेपछि चुलिएको चर्चा केही न केही माध्यमले भइरहेका नै छन् । विवाह बन्धनमा बाँधिए लगत्तै उनले म्युजिक भिडियो सार्वजनिक गरिन् ।

आफ्नै शब्द , संगीत र स्वर रहेको गीतको भिडियोमा उनी नै फिचर्ड छिन् । उनले एक कार्यक्रमको आयोजना गर्दै नै भिडियो सार्वजनिक गरिन् । यद्यपि पछिल्लो समय यहीँ गीतको कारण उनले आलोचना खेपिरहेकी छिन् । 

उनको नयाँ गीत ‘पछ्यौरी’ एक अंग्रेजी गीतबाट प्रभावित भएको आरोप लागेको छ । अमेरिकी गायक जेसन डेरुलाको चर्चित गीत ‘टक डर्टी’ सँग इन्दिराको गीतको बिट र कम्पोजको केही अंश मिल्दोजुल्दो देखिएको हो । गीतको भिडियोको परिकल्पना पनि ‘टक डर्टी’ बाटै प्रभावित देखिन्छ । सामाजिक सञ्जालमा इन्दिराको गीतलाई लिएर टिकाटिप्पणी बढे पनि आफ्नो सिर्जनामाथि लागेको आरोपको औपचारिक प्रतिक्रिया उनले जनाइसकेकी छैनन् ।