काठमाडौं– भारत सरकारले चालू आर्थिक वर्षको मे महिनामा वस्तु एवम् सेवा कर (गुड्स एन्ड सर्भिस ट्याक्स जीएसटी) मार्फत १४० खर्ब भारतीय रुपैयाँ संकलन गरेको छ ।

भारतीय आर्थिक समाचार पोर्टल इकोनोमिक टाइम्सले जनाएअनुसार भारत सरकारले जीएसटीमार्फत् १४ खर्ब ८ अर्ब ८५ करोड भारु संकलन गरेको हो ।

अघिल्लो आर्थिक वर्षको तुलनामा यो वर्ष जीएसटीबाट राजश्व संकलन ४४ प्रतिशतले बढेको छ । इकोनोमिक टाइम्सका अनुसार अघिल्लो आर्थिक वर्षको मे महिनामा जीएसटीबाट भारत सरकारले ९ खर्ब ७८ अर्ब २१ करोड भारतीय रुपैयाँ संकलन गरेको थियो ।

पछिल्लो राजश्व संकलन उत्साहप्रद रहेको भन्दै यसले भारतको वित्तीय अवस्था मजबुत बनाउन सहयोग पु¥याउने अपेक्षा गरिएको छ ।